MÖHÜM WEZIPELER KESGITLENILDI
Berkarar döwletiň täze eýýamynyň Galkynyşy döwründe hormatly Prezidentimiz Arkadagly Gahryman Serdarymyzyň hem-de türkmen halkynyň Milli Lideri Gahryman Arkadagymyz Gurbanguly Berdimuhamedowyň parasatly baştutanlygynda milli bilim ulgamy yzygiderli kämilleşdirilip, ýurdumyzda ylym-bilimi ösdürmäge, hünär taýdan kämil, watansöýüji, il halar ýaşlary kemala getirmäge uly üns berilýär. Milli ýörelgelerimizden, dünýä tejribesinden ugur alnyp, bilimiň hilini halkara ülňülerine laýyk getirmekde, bilim berilişini kämilleşdirmekde, sanly tehnologiýalary ornaşdyrmakda, usulyýeti ösdürmekde, aýratyn zehinli çagalary ýüze çykarmakda we olara dünýä dilleriniň öwredilişini mundan beýläk-de kämilleşdirmekde maksatnamalaýyn işler durmuşa geçirilýär.
