DÖWLET SYLAGYNA MYNASYP BOLDULAR
Türkmenistanyň Garaşsyzlygynyň 34 ýyllyk baýramy mynasybetli döwlet sylaglary bilen sylaglamak hakynda Türkmenistanyň Prezidentiniň Permany esasynda bilim işgärleri döwlet sylagyna mynasyp boldular. Ahal welaýatynyň Babadaýhan etrabyndaky 3-nji orta mekdebiň başlangyç synp mugallymy Ulugberdi Gurbannazarow, Sarahs etrabyndaky 1-nji orta mekdebiň zähmet mugallymy Dilegberdi Jümenow; Balkan welaýatynyň Magtymguly etrabyndaky Döwletgeldi Ökdirow adyndaky 18-nji orta mekdebiň rus dili mugallymy Şöhrat Gurbanmyradow, Gyzylarbat etrabyndaky 21-nji orta mekdebiň matematika mugallymy Orazbike Annabaýewa; Daşoguz welaýatynyň Görogly etrabyndaky 8-nji orta mekdebiň fizika mugallymy Ahmet Annageldiýew, Akdepe etrabyndaky 72-nji orta mekdebiň rus dili mugallymy Öwez Orazmuradow; Lebap welaýatynyň Saýat etrabyndaky 57-nji orta mekdebiň müdiri Agamyrat Hudaýgulyýew, Halaç etrabyndaky 3-nji orta mekdebiniň başlangyç synp mugallymy Jahan Jumaýewa, Kerki etrabyndaky daşary ýurt dilleri çuňlaşdyryp öwredilýän ýöriteleşdirilen 37-nji orta mekdebiň kitaphanaçysy Ogulsere Agalyýewa, Türkmenabat şäherindäki ýöriteleşdirilen 39-njy orta mekdebiň başlangyç synp mugallymy Aýna Saparowa; Mary welaýatynyň Mary şäherindäki 31-nji orta mekdebiň matematika mugallymy Muhammetguly Durdyýew, Tagtabazar etrabyndaky 17-nji orta mekdebiň müdiri Agamämmet Allaguliýew dagylar Türkmenistanyň şanly Garaşsyzlygynyň 34 ýyllygynyň dabaraly bellenilýän günlerinde Şa serpaýyna mynasyp boldular.
