GÜNDOGAR LUKMANÇYLYGYNYŇ BELLI ALYMY
Abu Aly ibn Sina (Awisenna) çagalygyndan täsin ukyplylygy bilen deň-duşlaryndan saýlanypdyr. Ol 10 ýaşyna çenli Gurhany ýatdan öwrenmegi başarypdyr, 12 ýaşyna ýetende, onuň bilimine, aň-düşünjesine we gözýetiminiň giňligine köpler haýran galypdyr, 16 ýaşyna ýeteninde, ony Buhara emirini bejermek üçin çagyrýarlar. Ol şol döwürde lukmançylyk we täze bejeriş usullaryny işläp düzmek bilen gyzyklanýan eken.
