HÄZIRKI ZAMAN TELEKGMMUNIKASIÝA ULGAMLARYNYŇ ÖSÜŞ AÝRATYNLYKLARY
Türkmenistany durmuş-ykdysady taýdan ösdürmegiň uzakmöhletleýin maksatnamasynyň üstünlikli durmuşa geçirilmegi netijesinde ägirt uly tehnologiýa ösüşi amala aşyryldy. Maksatnamada innowasiýalaryň, ýokary tehnologiýalaryň ornaşdyrylmagyna, ähli ulgamlaryň kompýuterleşdirilmegine hem-de dünýäniň iň gowy tejribesiniň, şol sanda aragatnaşyk ulgamynda gazanylanlaryň özleşdirilmegine aýratyn üns berilýär [1]. Halkara ülňülerine laýyk gelýän hem-de maglumat alyşmagyň ýokary hilli bolmagyny üpjün edýän milli telekommunikasiýa ulgamynyň ösdürilmegi Türkmenistanyň Merkezi Aziýa sebitinde, Gündogaryň we Günbataryň, Demirgazygyň we Günortanyň arasynda möhüm merkez hem maglumat-aragatnaşyk köprüsi hökmünde ähmiýetiniň barha artmagyna ýardam berýär.
