TEHNIKI ÝOKARY OKUW MEKDEPLERINDE INNOWASION TEHNOLOGIÝALARY ULANMAK
Hormatly Prezidentimiziň taýsyz tagallalary bilen ýurdumyzyň ýokary bilim ulgamyny sanlylaşdyrmaga aýratyn üns berilýär. “Türkmenistanda sanly bilim ulgamyny ösdürmegiň Konsepsiýasyna” laýyklykda, ýokary okuw mekdeplerinde mugallymlaryň interaktiw usullary ulanmak bilen guraýan sapaklarynyň, tejribe işleriniň, ylmy-döredijilik gözlegleriniň sany artýar. Ýurdumyzyň ýokary okuw mekdepleriniň alym mugallymlarynyň we talyplarynyň milli ykdysadyýetiň pudaklarynyň ylmy esasly ösüşlerini gazanmak maksady bilen taýýarlan taslama işlerini toplamaga, bökdençsiz alyp bilmäge we gerekli ýerine ugratmaga mümkinçilik berýän bilim portaly döredildi.
