
GAÝTADAN DIKELDILÝÄN ENERGIÝA ÇEŞMELERINDEN PEÝDALANMAKDA ÖŇDEBARYJY HALKARA TEJRIBESINI ÖWRENMEK
Türkmenistanyň Prezidenti Serdar Berdimuhamedow energetika senagatynyň ösdürilmegini Watanymyzyň ykdysady strategiýasynyň möhüm ugurlarynyň biri hökmünde kesgitledi. Elektrik energiýasynyň ulanylyşynyň netijeliligini ýokarlandyrmak, energiýany tygşytly ulanmak, pudaga innowasion tehnologiýalary we döwrebap dolandyryş usullaryny girizmek, ekologiýany gorap saklamak hem-de energiýanyň gaýtadan dikeldilýän çeşmelerini ulanmak bilen, ýurdumyzyň ýangyç-energetika pudagyny döwrebap ösdürmek ugrunda uly işler amala aşyrylýar.