HALKARA HYZMATDAŞLYK BILIMIŇ DÖWREBAP ÖSÜŞLERINE BADALGA
Berkarar döwletiň täze eýýamynyň Galkynyşy döwründe mähriban Diýarymyz parahatçylyk söýüjilik, ynsanperwerlik, dost-doganlyk, hoşniýetli goňşuçylyk däplerini dabaralandyryp, batly gadamlar bilen öňe barýar. Arkadagly Gahryman Serdarymyzyň taýsyz tagallalary netijesinde, ýurdumyzyň gülläp ösmeginiň, merdana halkymyzyň durmuş derejesiniň barha we barha ýokarlandyrylmagynyň bilimli, tertip-düzgünli, giň gözýetimli ýaş nesliň terbiýelenip ýetişdirilmegine baglydygy göz öňünde tutulyp, halkara tejribelerini öwrenmek we olaryň peýdaly taraplaryny milli bilime ornaşdyrmak arkaly, bilim ulgamyny ösdürmek ulgamda alnyp barylýan işleriň esasy taraplarynyň birine öwrülýär.
