UMUMYBILIM BERÝÄN MEKDEPLERDE EDEBIÝAT DERSINI OKATMAK
Berkarar döwletiň täze eýýamynyň Galkynyşy döwründe bilim ulgamynyň işine düýpli özgertmeler girizilýär. Mugallymlarymyz okuw dersleri boýunça guralýan sapaklaryň maglumat esaslaryny berkitmekde, mazmunyny baýlaşdyrmakda täze usullary ulanýarlar. Okuw dersleriniň okadylyşyny kämilleşdirmek, didaktik materiallaryň täsirliligini artdyrmak bilen ýaş nesliň täzeçil oýlanmak, pikir ýöretmek ukyby ösdürilýär. Munuň üçin, ilkinji nobatda, ynsanperwer ugurly dersleriň ähmiýetine ünsi çekmek dogry bolar. Merdana halkymyzyň milli mirasyny, däp-dessurlaryny öwrenmek, mekdep okuwçylaryny olara eýermek ruhunda terbiýelemek aýratyn möhümdir.
