EKOLOGIK BILIM WE HUKUK MEDENIÝETI
Garaşsyz, hemişelik Bitarap Türkmenistanda milli Liderimiziň “Döwlet adam üçindir!” diýen baş ýörelgesi bilen ýurt ähmiýetli beýik işler amala aşyrylýar. Ykdysadyýetimiziň ähli ugurlarynda bolşy ýaly, ylym-bilim pudagynda-da belent sepgitlere ýetilýär. Diýarymyzda durmuşa geçirilýän tutumly işleriň gözbaşynda ylym-bilimiň goýulmagy, ulgama dünýäniň täze gazananlarynyň ornaşdyrylmagy ösüp gelýän ýaş nesle kämil bilim bermäge oňaýly täsirini ýetirýär. Güneşli ýurdumyzda ýaş nesliň ylymly-bilimli, asylly terbiýeli, giň dünýä- garaýyşly bolup ýetişmekleri, ösen tehnologiýalardan baş çykarmaklary üçin ähli mümkinçilikler döredilendir. Okuw mekdeplerinde öňdebaryjy iş tejribeleriniň, multimedia serişdeleriniň, sanly ulgamyň giňden ornaşdyrylmagy ýaşlaryň aň-düşünjesini, dünýägaraýşyny ýokarlandyrýar. Ýurdumyzda halkara ylmy-amaly maslahatlaryň, sergileriň yzygiderli geçirilmegi ylmy ösdürmäge, dünýä döwletleri bilen tejribe alyşmaga ýardam berýär.
